X’MAS 氣氛濃厚, 加上物價比去年下跌, 我開始CRAZY Shopping!
點CRAZY法？我碌咭碌到歷史新高, 無眼睇！

但係趁低吸納係啱GA 喎, 前年啱啱轉工走去買衫, 當時股市未升上3萬2, 啲衫價格算合理, 於是一次過都買咗一批衫。

到去年股市指數創新高, 物價比前年貴一倍, 頓時覺得失去購物慾, 結果一件衫都無買過, 只係著返前年嗰啲。

到咗今年, 價格回落, 我又再回到前年的瘋狂狀態, 甚至更甚。

我睇住啲卡數, 都覺得好肉痛, 因為係我平時每個月的洗費三倍！

三倍？嘩！真係好多？

但係買到今日咁的地步, 我想要的嘢都七七八八, 反而有種諗法就係想同一個款, 例如啲幾時都啱興的黑褲, 黑BOOT 款再買多一件, 驚第日買唔返！

唉！都係諗下先, 買咗咁多....

仲買？