早陣子患上紅眼症, 真的是苦不堪言, 還被迫放棄了一次表演的機會。

沒法子, 因為隻左眼最腫時﹐眼框只剩下一條線, 每朝起身隻眼都睜不開, 要用洗眼的葯水洗去分泌物去能睜開眼來。

最慘是上下眼皮及側面都腫哂, 淋巴都發炎, 頭也被扯到痛, 每天待在家裏就是睡, 每3 小時洗一次眼, 滴一次眼葯水, 生活悶到發慌。

坐在沙發上, 悶時就睜開眼看交易廣場, 肥皂劇, 都市閒情, 娛樂直播, 卡通片, 肥田喜事; 累時就就地躺在沙發上睡覺, 或是閉目養神一會兒。

到最後一天覆診, 醫生說我可以返工, 我真的第一次覺得因為返工而感到興奮。

放假就話開心啫, 放病就假真係一啲都唔開心。

又悶又規律化, 又孤伶伶一個, 又不能出街玩和大吃大喝, 連低頭也覺得眼和頭痛, 瑜伽的拉筋動作都做不到。

醫生說那是病毒, 不是細菌。我都相信是, 不然怎會腫得這麼厲害？

更慘的是眼葯水的副作用, 會把鼻子裏的水都抽乾了, ”呻”出一條條的血絲來, 有一晚半夜醒來還 ”呻” 出一小血塊。

好彩我夠鎮定, 心知都是葯水副作用所致, 沒啥大驚小怪。

不只對鼻子有副作用, 對口都有副作用。

眼葯水會滲慢慢滲進口部, 影響到連牙仔都軟埋, 連刷牙食嘢都無咩力。

不過好彩只維持一小段時間, 吐咗兩日口水之後逐漸好轉, 但牙仔現在都未完全好返。

不過左眼(TOUCHWOOD) 都巳七八成好返。

寫呢個故事出來, 是想忠告大家一句, 千萬不要捽眼, 後果是很嚴重的。