今早如常去屯門跳舞, 上完堂與兩位朋友吃卨午飯, 送他們上58m後, 我就走到吉之島逛街, 本來一心想買一個鐵飯盒, 卻都找不著。

基於女人的天性,原本無打算買的東西, 都一併收進購物袋裏, 包括一件衫, 一個水樽, 一個芝麻街筆袋及你們眼見到的兩隻”嘢”。

呢兩隻嘢係我夢寐以求咗好耐ga　ｌａ，　早前見到都仲係４０／５０蚊一隻，　今日竟然見去落價到３０蚊，　就二話不說掃咗兩隻。

佢地係咩？仲問？梗係阿輝同ｍｃｍｕｇ　啦！

讀者見到我咁寫，　一定咒罵我　＂玩嘢呀？＂

好，　正經一點！心水清的朋友或者見過呢個貨品的朋友，　都應該知佢地其實係八逹通套。

佢地頭頂仲有條伸縮線，方便大家响過閘時扯個八逹通出來＂嘟＂。

我今日試過嘞，　真係幾方便ｇａ！唔洗好似以前咁狼狽。

於是大家又有一個疑問：你得一張八逹通啫，　點解要兩個八逹通套？

答案係因為除咗過閘狼狽之外，　我臨入公司門口要用智能卡開門，　都一樣咁狼狽，　一諗到咁，　就掃咗兩隻落袋，　一隻阿輝，　一隻ｍｃｍｕｇ。

咁大家又問，　咁點解你唔買你至愛的ｍａｙ may 同 姑時呢？

答案係, 因為無may may八逹通套, 而姑時個八逹通套手工唔係咁好, 顏色又唔係好搶眼, 於是揀咗雙面珠有綠色胭脂加埋提子頭的輝煇嘞！

ANYWAY, 今日用咗少少錢, 就令到自己咁開心, 都值ga!