一直係你ge保護下面，最應該苦惱ge幾個年頭，因為有你ge指引，我好順利咁過渡佐，過佐好開心、好得意ge幾年。但無奈，這已成為歷史，我無法再去依賴你。
事實上，我無勇氣去面對，亦無勇氣去接受要長大呢個事實，但無奈我一定要長大。我知道，我再唔可以依賴任何人，畢竟過多一年半載，我都會好似你咁要離開屋企，離開澳門去過自己ge生活。
升佐高三之後先知道自己有幾無用，以前做做做做做，唔使停，唔使諗，更加無諗過世事太多人太細，亦唔需要諗人性有幾真實、真實到得人驚；而家，因為空出太多時間去諗，先發現以前ge無知，有時我會覺得自己太過天真，諗野太過簡單，將好多壞ge野都刻意捨開唔去諗，好多野我都只會諗好個一邊，總係相信船到橋頭自然直，無咩諗唔開。但後來我先發現，唔係我唔去諗，壞事就唔會發生，然而我唔去諗，受ge傷害反而更深。發現以前有你做避風塘，有咩解決唔到，有咩唔開心，只要有你係度，就逢凶化吉。你走佐之後，我試過將你ge角色俾另一個人做，原來無人承受到我ge無知。
有一段時間，生活真係好灰，每日起身，面對ge都係唔開心、唔如意ge事，好難受，我唔敢喊，因為喊幫我唔到，亦無人可以幫到我。最後我做到，我提起勇氣去解決。雖然結果係我做得唔好，件事亦解決得唔好，但我知道你會覺得我做岩佐係咪？我始終面對佐內心最唔想面對ge事。
以後長大佐，或者好多野我唔再需要依賴你去替我苦，但係我可以肯定，我ge身上必定會有你ge影子，用你ge心，去幫其他人成長。
給天使般的anita...