剛剛去完澳督府前地玩倒數,睇左場咁多年除夕煙花最靚的一場.澳門政府好有米!

今年照例要講下新的一年目標的,話說去年話要有耐性同恆心.結果去年就被磨練等一份合適的工作,一等就大半年.所以今年都係唔好咁空泛,要講定有重點的目標.

今年,我想係年頭(最好係一月)就得到一份穩定同埋有番咁上下收入的合適工作;(合適得黎梗要岩心水)
其次,係九月份可以達成呢八年黎的願望,可以一大班朋友去絲路玩(當然要係有工作收作的前題下啦!);
再次,係下半年如果合適的話讀研究生;
此外,每個月儲起不少於20份製單的收入.
咁様就差唔多啦!希望係明年年終總結會有好的成功率啦~~

新的一年,希望大家 事事順利! 身體健康! 心想事成!

(點解要送雞迎狗?? 因為要掃走去年引起禽流感的雞隻,迎番隻可愛忠心的狗仔...)