幾日前的某個夜晚唔知點解個人好累, 昏昏沉沉, 同d網友吹水知道佢地都係咁, 證明原因並非出於我懶, 而係環境影響! 所以我唔係懶豬~~

有成個幾月無同爸媽問候(不要想歪唷! 我只是想說很久沒跟他倆說話而已), 夜晚突然接到媽的電話,(有點怕接到她的電話, 幾乎每次都沒什麼好事)　
一黎就問我最近忙d咩同埋點解咁耐都無搵佢地, 又問我畢業未, 有無工做, 有無錢駛, 問完一大輪野, 我又係咁以回應佢幾句之後, 總於, 開始入正題啦...
問下有無拍拖, 有無鐘意的人, 有無人追呀... 問埋晒d我覺得無聊的野. 有都唔講得比佢知啦, 更何況係無! 講到黎呢度都知佢想講d咩架啦!
佢次次講襯呢d野, 就一定強調又強調, 叫我一定要搵個屬蛇或者屬馬的人, 仲要係大我成十歲以上的, 咁樣結婚先至可以長久喎!
點解會係屬蛇同屬馬呢? 原因係鄉下的婆婆找人幫我地算過命, 話我如果唔找大十幾歲的蛇馬人士, 就會婚姻唔長久.. 咁即係離婚啦!
所以囉~ 媽就三不五時地提醒我, 又三令五申地要我找個’蛇馬’!
唉~~ 我還在矛盾苦惱中, 又怎會去想這些事呢. 更何況這不是我想要就有不想就沒的.