籌備經年(於腦海中...), 花了不少人力物力之大製作

"台北4天3夜吃喝玩樂不停站亂花錢四圍走大作戰"

隆重登場!!

1月9日 到永安付上最後一次贖金, 換回本團人的package
1月10日-31日 用力思考配襯出國服裝;擔心天氣會冷得我不想去
1月19日 網上申請台證
2月1日 在家執拾行李, "鋪到一床都係衫", 最後只係帶左半o急野,
難怪人地成日話我去camp去旅行帶得好少野...
2月2日 出發!!!

晨早鬧鐘(電話)響, 6點15分, 好奇怪個天點解仲未光, 唔理咁多一股作氣起身執野去洗頭。行經廚房微波爐, 跳字鐘顯示"3:50", 下... 出去睇下大廳個鐘, 3點55分!!
再反去睇下我個電話, 6點25分?? 頂, 搞咩我個電話快左成兩個幾鐘架, 個人醒左大半, 不過都照上番床典下。

半睡半醒不知多久, "隆冬"一聲巨響, 睜眼看看, 頭頂窗台一盆比我的頭還大的瓦花盤連泥連花被風吹倒, 直跌於我面前距離不到2cm的地方。我稍定定神, 跑了到隔離媽媽房著她幫忙收拾, 大家都很驚訝, 若花盆跌歪一點, 我那裡都不用去了!! 一輪擾攘, 再爬上滿是花泥的床, 當時是大約5點40分...

真正的6點15分, 我再次起床。人已很清醒, 天亮了一點(這才正常嘛!), 刷牙洗頭塗面霜吹頭飲水, 很快完成!! 又由於我之前一日已經安排好今天的裝束, 我很快便裝身完畢。不過, 當我準備出門時, 媽媽才一輪機關槍的叫我帶遮帶電筒帶藥同帶多部相機, 找找找巢巢巢畢所有東西, 結果我比原定的時間遲了15分鐘到車站, 幸好我也不是最遲...呵呵呵~