難得上網, 更難得開ICQ, 最難得開ICQ而又用online mode, 所以一定要update一下人地d info... (其實又好似無咩關係!)

up up下, 見到有人info打左首詩歌上去, 突然間令我諗起有兩首我非常非常非常為之感動o既詩歌!

第一首, 「詩篇一三零」。

「耶和華我從深處，從深處向你求告，
求你聽我的聲音，願你側耳。
側耳聽我的懇求，聽我懇求的聲音，
你若來究察罪孽，誰能站住。
但在你有赦免之恩，要叫人敬畏你。
我等候耶和華，我心等候；我也仰望。
但在你有赦免之恩，要叫人敬畏你。
我等候耶和華，我心等候；我也仰望。」

唔係呃你, 唔搵番我都唔知原來佢係呢個名, 都真係好唔襯!!
第一次聽呢首歌, 可能係氣氛影響, 加埋領詩o既人o既功力, 當時有二萬個唔開心o既我, 喊到傻左.... 原來有d野唔係放唔開, 而係你根本唔知可以放開, 有人提一提你, 真係好緊要!! 呢次之後, 我學識鬆開我雙手....

第二首, 「十架的冠冕」

「路是難走，但比起您的十架路，
我今天算甚麼，來起身再走過。
遇著痛苦，您亦經過世間苦與樂，
您的救贖愛海，我得勝和釋放。
凝望著十架的冠冕，仰望您渡過每天，
您體恤我的軟弱，明白我親身處境。
無論遇著困苦憂愁，您亦會在我身邊，
您興起我的生命，我今得到信心面對挑戰。」

呢首係o係教會二十週年退修day camp學o既, 其實能夠聽到呢首歌都真係神推鬼撞, 原本我根本就唔會去呢個camp, 不過世事都真係有晒安排, 我去左不特止, 仲得到好多野, 包括呢隻歌~
好耐無試過被人了解明白o既感覺, 有人同你同一陣線, 感覺係好到不得之了!! 有人托住你, 的確係唔同d....

今日的確係懷舊日, 執執下野睇番lawchu寫俾我o既人格分析, 好中!! 中到我覺得有d恐怖.... 佢所寫o既野, 我全部都知~ 不過你要我講呢, 我又講唔出喎... 當局者迷o係呢個情況下岩唔岩用呢??