今日早咗放工, 於是好閑咁睇下電視嘆下零食, 好寫意啦又可以清清之前買落大袋細袋0既零食, 我好依賴食依啲野平衡負面情緒, 每晚返到屋企就算食咗飯都可以食好多無謂野, 唔食0既話會覺得好唔舒服, 人地就有煙癮我就有零食癮.

食下食下其實都已經好飽, 真係去到食多少少都驚反翻出黎個d, 就響依個時候, 新聞報道有空難百幾人死咗, 個刻, 對眼唔覺意望落本宣明會0既書仔度, 點解會咁0既, 依刻我坐響屋企嘆住飽到反翻出黎0既感覺, 另一邊廂有人響天空度就咁就死咗, 又有d人依刻可能只得烏蠅食, 究竟係我0既問題另係個世界有問題? 如果我唔食食多咗0既咁多野, 0個度已經幫到好多人, 但係我d減邊個幫我減? 我老細? Course Manager 定係路人甲? 我都好明依個道理, 但係要行起上黎係幾有難度.

講起, 令我諗翻起有次同家姐行街, 想食格仔餅啦, 家姐講咗句: 就食飯lu喎! 係喎, 要記住為要而食為要而買, 唔可以太放縱.