2010-06-10 05:46:34稻草人
細屋搬大屋
唔係我，係我新歡魔王。
佢原本住的粉紅色小屋設備簡陋，因為當時未搵到合心水屋仔，所以屈就左佢一個禮拜。由於屋底的隙縫比較大，魔王唔鍾意，所以長期捲縮在左邊的綠色食物兜內，真係我見猶憐。
最後我同毛毛在大陸為佢搵到間啱心水豪宅，簡直堪稱三層高別墅。而且仲另外買左大到夠佢訓既食物兜、飲水器、香蕉味磨牙石、沖涼粉同一大堆糧食。特此多謝佢老竇，即係毛毛，因為個豪宅真係唔講得笑，用料十足，重到呢～！
細屋搬大屋，魔王梗係開心啦！因為豪宅底隙縫比較細，佢唔會再成日叉錯腳覺得唔舒服，長期在三樓Hea，見佢攤係度一團野咁，舒服到唔知想點咁，真係唔抵得，所以我同毛毛成日得閒無聊就走去整鬼佢～哼，吹咩！
魔王好盞鬼架，佢有時會追住自己條尾黎玩，然後就係斜坡果度，一個唔覺意，成個波咁碌左落去，哈哈～
上一篇：我好似有D鍾意左佢丫
下一篇：多謝合作！！
不如你養埋果隻魔王啦, 你唔係想幫你家魔王搵個伴咩?
佢梗係可愛啦,我家魔王喎,你估少野架?
我前兩日去寵物店,有一隻兩歲的魔王被人遺棄,待領養,好慘丫..
我有問過下..個店員話有個朋友話想要..但又未firm..話曬人地早過我出聲..所以我無爭~