兩個墟的墨西哥餐
因為幫魚旦慶祝生日的關係，在網上找了間備受好評的墨西哥餐廳。網上指它是全澳第一間墨西哥餐，而且食評能夠持續好幾年都有人更新，證明屹立不倒，所以一行七人嚐了人生中第一餐墨西哥餐。
舖名叫Tacos，地點位於皇朝意大利餐廳“經典”對面，即酒吧街隔離。店內分地面及樓上，我們坐在地面層，約有四五張枱。枱上一早已備有西餐用餐，水杯及紅酒杯，感覺比較高格調。
點了五六個菜，包括網上人人讚的粟米餅及海鮮意粉，兩支七個人都飲不完的大水及三個湯，埋單七百四十。餐廳服務非常好，全部都係西人，老闆娘nice都不行，經常面帶笑容，難怪網上既人寫食評時都不忘讚一讚佢。
七條女，嘈到死～
粟米餅，唔錯架，不過醬料唔係太岩我心水
乳豬，呢個就唔係太平，得幾件，九十九蚊～
呢個係佢地推介的，好似叫石頭燒牛Ｘ（忘記了）。簡直好似睇表演咁，上菜時嚇我地一跳，因為舊牛幾乎係全生的，心諗唔係就咁食下，原來佢會過黎幫你由生變熟～不過對唔食生野既我黎講太生了，切落仲有唔少血～
呢個海鮮意粉無得頂，全晚我最愛佢
三文魚沙律，其實無咩特別，勝在夠大碟囉～
阿旦的生日禮物之一～
企鵝一如以往帶左即影即有出黎，亦一如以往地俾我地清空所有相紙～
三個女人都一個墟，以兩個墟有突的人數，當然嘈到爆，我估老闆娘應該多得我地唔少。這餐飯我俾四粒星，美中不足的是小玲臨時要開會無法同行，而剛從香港過黎的阿君及其男友又提早走了，未能俾我一睹補習天王的樣貌。
魚旦，生日當日同你講了粒U，今日再補句生日快樂～
回覆
to CACA: 你都已經係crazy club一份子啦..食飯吹水都唔會忘記你喎~
to GG: 我既大獎已經變左做母親節禮物了,哈哈..
to 布甸小狗:唔係百分百既,但頻率大約係咁上下啦~
to 十蚊:因為我只係想post一張總體的就算了
十蚊
我指係果d即影即有相呀! =3=
布甸小狗
YEAH~~~~叫我TOO呢.....如果你話每兩個星期...甘即係今個星期無呢, 甘我等下個星期LA...KAKA....
GG
對於冇獎既人來說,已算係大獎~~
嘻嘻
CACA
哈...仲咩影阿旦戈份生日禮物相,做咩唔叫我閃開呀~感覺上好似系我送咁(而且我仲要好似好驕傲送咗呢份禮物TIM)KAKA..
HEHE~~到時CALL我呀,無論聚會,吹水,食飯...
回覆
咁鬼熱鬧,嚇死我呀..
我個計劃係咁既..我地照常每兩個星期有一次聚會,第一次聚會就飲野,第二次聚會就搵未試過既餐廳食飯..如果撞正有人生日,咁咪唔理第幾次聚會,都係食飯囉~
我覺得,,由阿wing,鎵惠同十蚊一齊慶祝生日果次開始,我都已經做左生日搞手啦,,唔爭在啦,,
阿jo講果個聖地牙哥餐廳既tea,其實我一直都好想試..同埋十六浦個tea都係..排下隊啦~
仲有,阿十蚊姐,d相好細咩?真係唔覺喎..
to 我相識的人:
恨唔得咁多架啦,,你d有家室既人,無咁多時間同老友一齊..
to GGG:
中兩罐鮑魚者,咁都叫大獎?又想屈我,,哼哼哼..等下啦~
Crystal
d相可以放大d嗎?太細喇!睇唔清楚呢!甘會唔會試試下試埋氹仔果d???哈哈! ^^
wing
慢慢逐個逐個黎~~你講既排下順序先啦~
布甸小狗
可能我地d膚色又係比較健康d ge....
kaka.....
下次d 星期六日既日子, 可以試下去個間"音"
夜晚幾好ga 個feel.....
"新濠峰","mgm","永利"個d,都幾好坐呢....我真係好想試聖地牙哥個tea ar
GGG
中大獎,請食飯吧
wing
jojo,你係未都比佢地感染左覺得似啦~~哈哈哈..
鴨仔話可以暫定每月月尾個星期有聚會呀...試晒我地想試個幾間呀!!!小玲你有更就快d通知定我地先book定位呀~
你相識的人
見你們這麼開心,真令人羡慕... :)
~風鈴草~
嗯~睇到我都好想食呀..下次一定要同我再去食過~^^我唔會放過你地ga~哈哈~旦:生日戈日用左3個唔同方式同你講生日快樂~見佢地都係度示愛~咁我都加返句啦~艾你艾你哦 ^^
布甸小狗
睇返張相, 原來我同阿WING真係似樣WOO~~~~
阿WING家姐....KAKA....
下次等小鈴放假, 再約出黎呢....好希望距可以返正常更呢~~~~通宵又夜更真係好辛苦.....
呢餐的確係不錯哦~~~~~
wing
我好鍾意你用封面個張相呀...
魚旦話我唔愛佢wo,我依家要用你個blog等所有人都知道同佢講....愛..暈你呀))旦旦)))哈哈哈~~.
to CACA: 你都已經係crazy club一份子啦..食飯吹水都唔會忘記你喎~
to GG: 我既大獎已經變左做母親節禮物了,哈哈..
to 布甸小狗:唔係百分百既,但頻率大約係咁上下啦~
to 十蚊:因為我只係想post一張總體的就算了