好耐無去旅行既我，心血來潮想去行下，難得阿叻肯用最後兩日假期相伴，我們選擇了深圳世界之窗。此行的主要目的是hea住玩，九點三關口等，食完老鴨粉絲後，十點二搭車，兩個半鐘左右的車程，接近一點鐘時，到了黃崗口岸，趕緊落地鐵站，呢兩個地鐵幣就係我地旅程既開端。

一百二十蚊的入場卷，竟然印住某人最愛的巴黎鐵塔，oh shit!所謂既世界之窗，就係將世界各地著名景點縮左水，等人一次過遊歷世界。不過新加坡既地標魚尾獅竟然係一比一的。

你睇我幾專注～讀書都無咁認真呀！

阿叻，回頭是岸呀！

出行前一晚，我送左個相機電話繩俾佢，佢去到後突然爆出一句：我今日帶左兩部相機。我心諗：車，我成日同企鵝佢地出去，佢地一個人都帶兩三部相機架啦，有咩咁出奇者？點知原來佢口中的兩部相機係呢部，仲要拎黎影我，真係俾佢吹漲！

衰到要搵窿捐添。隔離D波波人我完全唔知佢地發生咩事，個波波係有條繩吊住，即係佢地根本動彈不得，明明係自己俾錢玩，又要擺出一副痛苦掙扎相，想點呀？

我完全唔知呢張相既意義係邊度，但阿叻話佢鍾意喎，仲話影得隻腳好長。有人讚，無理由唔曬下架～！

我真係好鬼鍾意呢張相，好似去左童話王國咁，至於呢座野叫咩名，我大腦既記憶體容量有限，真係唔記得喎！