2010-02-06 04:24:55稻草人
豬記真係醒
話說前幾日夜晚想食粥
首選梗係就近既天神巷豬記
次次都係窩蛋牛或者皮蛋牛
悶到爆之下拎起餐牌睇睇
咦...有個粥叫香煎魚骨粥
乜家科？見到個煎字就覺得個粥會好香咁
一於試呢個
大不了咪唔食料食白粥
哇..個粥真係好好食
１６蚊咋
好值得推介之餘
我突然諗：無啦啦有咁多魚骨俾佢煎既？
然後諗到應該係起肉做魚片粥之後剩低既
你話豬記醒唔醒先
剩返既材料同起左既魚片粥價錢一樣喎
慘得過我又覺得好味
朋友仔..下次試下啦！
不過唔好食咪鬧我～
上一篇：唉。。這個2010
下一篇：我的朋友都長這風格？
"豬"記仲一個馳名既粥,叫炸蝦瞉粥,食過啲人都話頂瓜瓜,餐牌冇寫既,要自己叫,試下吖,正....:>
to ggg
咁..你睇到咩意思先??
食個粥者..放過我啦大佬~
to 萍果批
咩呀..唔係淨係魚尾架..魚身中間條骨都有架..
下次同你一齊去珠記時問問佢..
我覺得我估中既巴仙好高囉~
蝦殼?唔係卦..
觸殼我就有興趣試下...
蝦殼好似...好污糟咁...