給關心我的朋友
沉寂了一段日子，我應該主動匯報一下近況吧?
近來生活上最大的轉變，就是開始了一個人住的生活。我未有錢買樓，是租的。下班想宵夜唱K的話，無須再為自己設下門禁。
不用走進一家人都睡了的房子內，開門要細細聲，沖涼怕水聲嘈醒人，吹頭亦然。不用再扮乖，明明想睡到上班才起床，卻硬要迫自己早點起來留個好印象給人。
不用再看人面色，因為別人沒有回應而不快好幾個鐘。
當然，亦不用再逼人家看近乎無聲的電視。
一個人的房子，還要是兩房一廳，確實有點空，不過我喜歡。
下班後隨便買點宵夜，回家，就很滿足。
男友一直無法理解我租屋的行為，認為這是任性之舉，
就算是，我付得起房租，為自己打造一個較為滿意的生活，其實亦無不可吧?
阿燕，下次過來可以省下酒店錢囉~~
情感上，這陣子壓力不少。我不想在這裏像怨婦般申訴。
產生的很多疑問，很多不能諒解的情緒及不憤，我仍然未能疏理好。
總之，不是很開心就是了。
與媽媽的感情又進一步。原本的家樓下開了一間小泉居，第一次帶阿媽進這種地方。原來，媽媽覺得珍珠奶茶很好飲;原來，媽媽喜歡吃甜的麵包，她吃西多時津津有味的面容，讓我很感觸。
不過，最近因為感情事激親媽媽，我很抱歉，亦很無力。
另外，看到一名老友記得悉自己已愛上某人，兩人的大考驗暫時告一段落，今天更有人接送，我亦很開心。她說，她真的無法理解為何人要抓著過去不放，卻忽略了眼前人。雖然忘了說這番話時是否衝著我來，不過，謝謝!我會記住!
最後，我還想說一句話:如果你無法給我想要的生活，請容我試著走自己的路。
to MINNIE
謝謝~
MINNIE
如果你無法給我想要的生活，請容我試著走自己的路。
呢句好正呀!!
冬陽
謝謝妳在我blog上留下祝福的話
只是我沒有福份也沒有資格接受這樣的祝福
妳忘了看我前一篇文章
是阿本來十多年的努力要今年中秋結婚，無緣的戀人確使終跨不過最後的一步
to SANDY
嗯~
我的新居又由一個人住變成兩個人..
其實我都怕寂寞..
不過其實我比較enjoy收工後可以與朋友為伴..
而不是看著一個已經睡了覺無法相伴的人~
to WING
我都唔知發生咩事.....?
結果將d野拎曬返屋企俾佢阿媽煮~
to 詩子
咁點解唔做?
懶?家人反對?
to 冬陽
你不是農曆八月十五要結婚嗎?
重創甚麼?
SANDY
兩個人的生活一定不能像一個人生活般隨意...學習遷就及忍讓都係人生必要的一課
雖然有時我都會遇到你的情況..但我份人依賴性強又怕寂寞...還是比較喜歡家中有個伴
WING
你2個甘細食咩~~~??
詩子
我也想搬出去自己住
好好過自己想過的生活模式
冬陽
嘿 朋友 這陣子我也遭遇了重創
也許感情也許生活遭遇變故，
但這些也許都是下一段美好的開始
困境讓我們停留，省視並再造自己
願妳 心田 心甜 留住美好忘卻煩惱 珍惜身邊友情親情 正向與感恩 妳會在當下發現幸福
to WING
最後個鞋架..
俾果條毛搞掂左..
家陣好穩陣..
果晚果個二人邊爐..
兩個人都食唔到一半野...
to 紫軒
感情事..唔知係咪因為呢排比較多唔開心野發生..我有失望的感覺..
相反..咁大個人先開始知道咩叫做屋企永遠係最好既避風港...
to 萍果批
唉..
局勢每日都變緊..
我應該好快要結束一個人住的生活..
to Kitty
我又無咁本事找到自己的路..
純粹係想搵個令自己過得開心啲既方法..
唔想事事受制於人
wing
唔記得問你最後個鞋架點樣呀?
WING
要溫柔D踩佢呀知唔知呀~~哈哈哈~~
紫軒
嗯...原來呢排咁多事幹~
看到你寫同媽媽果段~很窩心呢~
感情事~慢慢來吧~2個人都要記得珍惜喔:)
萍果批
一個人住的確有一個人既樂趣~~好好享受現階段未婚既自由生活吧~
時間耐左, 你條毛一定會接受現實既~話唔定到時更加享受二人世界既生活呢~
瓜
拿 ～ 我唔係話咩．．
不過．．到底有ｓｏｆａ坐未呀．．．
Kitty
自己過得開心就好。
能找出自己的路，不容易。
to wingwing
約左你三點半..我兩點未夠就起左身..i am waiting for U~ waiting for my rubbish bin!!!!
to 蜜瓜味
咦?你又知既..講果個野身材真係好火辣架喎..辣到我成日都怕同佢對得多會忍唔住性侵佢..呵呵~
尋晚果條毛第一次侍寐..都幾好既..希望情況從此有變..俾條生路我行下..
to 水月
有時D野唔快手..拖拖下又會無左件事..我正中係呢種人...
花費大都無計..我會慳D..哈哈..多D屈下人請我食飯..
to Crystal
梗係啦..有人拍拖拍到好似人間蒸發咁喎..
gypsyho
嗯嗯~知道..不過呢度有管理員..又住得高..應該都幾安全..
wingwing
等我呀美美~~~~嘻嘻))))))
蜜瓜味
噢～忘記左回覆ｌｅｅ個重點ｔｉｍ．．ｓｏｒｒｙ ｓｏｒｒｙ～
我諗佢都係冤多你一排姐，做多幾次聾耳陳（反正都姓陳，岩晒～），應該無事架喇
蜜瓜味
勁呀～！咁發人深省 珍惜眼前人既一番說話，一聽就知講戈個人 身材要幾火辣有幾火辣！
水月
o甘快就搞掂o既? 上次你話要租樓不過二星期前而已. 不過無論如何, 都支持你. 感情事只能隨心而行, 別無他法. 能試試一個人住是不錯的. 起碼能讓你看清自已. 不過花費頗大就是了.
Crystal
原來你最近發生了這麼多事情,我卻一點也不知道....你凡事要小心一點哦!
gypsyho
支持你啦，下次去你家開party，哈哈。不過一個人住要注意安全，鎖好門窗。仲有記得帶鑰匙。
謝謝~