8.5.07,星期二. "中獎"

今晚收工約了Madam同莫生食飯，原本莫生話食西餐o架，Madam還book好檯添，但點知個死仔臨時又話改食中喎，咁所以我們就改去「品味人生」，上次同Sally去食過，覺得都ok，所以今晚再去多次。
食完飯，陪莫生去買衫買袋，結果左揀右揀都係得個吉，我本來都睇中件衫o架，但成300蚊件，想想o下都係唔值，所以放棄了，而Madam就試了一條我覺得佢著得好靚的連身裙，但佢一樣都係無買，結果大家都係一樣都無買就走人。
然後大家陪我去了信和買兩本漫畫，再入女人街陪莫生睇波衫兼食糖水，就在食糖水時，知道了Madam九月六日過大禮呀!hehe...有我份的呀!Madam媽咪比我出席呢!好o野~~可以見識同參與，好開心呀!
食完糖水，個死仔走先，我就陪Madam行多陣去搭車，在這短短的路上，同Madam說出了我的唔開心，尤幸有好明白我，我先安慰一點，我知大家都要努力呀!
今晚出旺角食飯前，幫媽咪去買六合彩，沒心水的我也買了一張電腦，結果給我中了四個字，即係有320收，hehe...好o野!
MonMon離開了中心一個星期啦，表面好似無o野的我，其實內裡極唔開心，一點也不習慣......

9.5.07,星期三.

由於中了獎，所以今朝叫媽咪幫我去東海堂買o的西餅請同事食。
因為爸媽今日上了廣州，結果夜晚同細佬去了大家樂食飯。

10.5.07,星期四. "幾甘"

今日收工前老細問我有筆數係咪未比佢，我翻看資料確實有此數，但就是沒有紀錄是否比o左，我惟有要回家翻差一年前的月結單，看看這筆數是怎樣提取，便知道是否已經比o左，但如果真的未比都幾金，因為成四千銀呀!不過剛才找不到月結單，明天要打去銀行call翻o的月結單先知道。
今晚去了投注站收錢了。