16.12.06,星期六. "婆婆生日"

今晚收工一家人同婆婆食飯慶祝生日順便做冬，不過我們揀的酒樓(福彩)勁唔掂，甚至食到舅父發火添!

17.12.06,星期日. "電玩"

今日約了張先生和陳先生去電玩展，場中看到一部PDA好抵買，但是都是放棄了，因為買衫用了不少錢，如果再買就無錢過聖誕了。行完電玩展，過旺角會Sally和她媽在朗豪食飯，食完陳生先走，剩下我們四人就去睇俠影魔龍，套戲幾好睇，如果有下集就好了。

18.12.06,星期一. "秘密行動(二)&最後一次物理治療"

中午收工去威院物理治療部，做我最後一次的物理治療，好o野，之後應該唔洗再來的了，好多謝陳Sir這幾個月來的照顧。做完治療，去麥噹噹食午餐後，就趕回家開始我的「秘密行動(二)」，但我可惜我再努力至深夜兩點，還未能完成呀!

19.12.06,星期二.

中心生日會，無法繼續秘密行動。

20.12.06,星期三.

晚上要陪媽咪出街食飯，加上個人好倦，所以都係無法秘密行動。

21.12.06,星期四.

做o左咩呢?真的唔記得。

22.12.06,星期五 "SamPolism"

由於上星期做o左節了，所以今晚不用回家食飯，本想冬至有得"正常"收工，結果還是成六點幾七點先走到，不過，我還是七點半準時趕到油麻地的Kubick，出席心心和美寶的新書發報會，其實會上不只她倆的，還有很多年青人也參加了這個DIY創作活動，我站著看著他們，聽他們介紹自己的書和創作經歷，使我想起我的「夢想」，我的夢想究竟去了那裡?這一年的經歷使自己變成怎樣的一個人?成日話要繼續行，但一味行一味行，究竟是往那裡去呢?
放假了，所以個人隨即跌Watt，連日忙碌的工作加上中心的「帶菌者」，其實我身上早就有菌的了，結果我一去完油麻地，個人就唔多妥了。
有一份心情...算吧，唔寫出來了。

23.12.06星期六. "生病"

其實昨晚睡前已經吃了藥，但頂唔順，早上五點幾咳醒再食藥，個人十點幾起身先好o的，但當返過中心做丁丁o野，再媽咪拜完阿公，食完魚蛋粉，個人再跌Watt，直到現在都勁唔點，假期才來病，我都係命苦的了。
唔寫啦，死啦......

*PS 圖中便是心心和美寶的作品SamPolism啦!