先要在此為心心和她的小表妹打起，並送上祝福!妳們都要加油呀!~!~

22.11.06,星期三. 「慶祝」

今晚收工約了七子慶祝阿婉和Billy生日，但Billy因要去飲缺席了，所以今晚得番六個。
因為阿婉想食燒烤，所以我上網搵了一間名為「德家」的日式燒烤......由於阿婉要遲o的到，所以我們人齊便上樓先。上到餐廳，一睇價錢牌，我心知不妙了，因為大家都覺得貴...唉~每次揀食飯的地方真的好有壓力，又要好食又要平.....所以阿婉未到的時候，經過我們再三的商量，終於有了決定叫什麼，但是阿婉的遲來，一遲就成個鐘，餓到大家叫救命!今晚餐飯雖然貴，但食物質素不錯，所以貴得來是否合理，見人見志啦!不過最重要，還是要食得開心!食完飯，去了義順食甜品，然後大家便說再見歸家去了。
食飯前去log-on買紙袋入阿婉的禮物時，給我見到上圖的熊仔，由於我一眼便十分喜歡，再見價錢絕對唔係貴(100有找)，所以便即刻買下。有朋友同我講，喜歡公仔的人其實他是怕寂寞的，我想，我屬於。

23.11.06,星期四.

工作悶悶的，所以收工又捉了阿Mon去食家鄉雞和新城市行一陣先返歸，買了兩隻VCD和衛蘭的新碟。