28.10.06,星期六. ”妄想”

是日短週，但仍然早起，因為飲完茶要同媽媽去恆生換日圓，預備他倆下星期去日本。換錢之外，還有......我真的見不到自己的未來、前途，算啦，唔想提。
別過爸媽，一個人坐車過海，去灣仔玩具街，買星期二萬聖節派對的物資，因我決定要他們扮海盜，而我就扮”豬仔海盜”，不過我搵o左好耐先搵到我要o既道具，因為我在第一間睇漏眼，結果要搵一爛餐先搵到。行玩具街買道具的同時，買了一個超合金「黃金俠」哄自己，因為這裡有細o既賣，百幾蚊就有交易，這個是我自小就想擁有的了，最近見旺角有得買但要成三百幾，我真的唔捨得，現在有小的買，價錢合理，償一個小時候的心願都好o丫。買完晒道具，離開玩具街過森記買了三本抗戰有關的書，就去食午餐，食完就落地鐵站，在站內睇書...因為兩點幾三點一個人唔知走去邊好，結果睇一陣書，搵到個死o野，又咁o岩佢o地睇”妄想”，所以我就join佢地，坐地鐵過旺角。(我離開了玩具街之後，原來小梨都跟注去o左呢!)
”妄想”一片普通，開頭有點悶添，不過有阿SA做，加點分，因她今次做得幾好。而此片帶出...女生很恐怖哦~~不是，這樣說有點偏激，因為男人或女人都會患上妄想症的。其實反而係感情問題，帶來的後果可以好嚴重!

今晚多謝妳的問候，我會努力的!人有三衰六旺，但願衰o既快快走晒，好o既快快來!

明天又要一早起身入屯門，真要命!