27.10.06,星期五. ”湊巧”

今日收到家姐電話，確定29號晚出去食飯取帖，但竟然事有湊巧，我們今次相約的地方，竟同上次邵曉玲派帖的地方一樣，同樣是旺角新世紀七樓的「湘川滬」飯店。哈哈~~又會咁o岩得咁橋，可能這裡是派帖聖地掛，唔知下次再有朋友派帖，會唔會都揀這裡呢!?

早幾日有個會員知我見過營養師，開始按指示食№和吃營養餐，但點知呢個阿婆好刻薄的說:「你依o家先o黎食，有無遲o的呀!?」我這刻聽到真的覺得好硬耳，但想深一層，我最想要的是健康，如果有得瘦故之然好，但瘦得有限都無計，因我覺得最緊要仲係無乜大病痛，健健康康最重要。縱使世人都係注重外表，但如果係「金玉其外,敗絮其中」，又有咩用呢?其實如果可以清減緊鱓，第日有機會搵工不會被歧視都已經好好了。至於有無人要?算把啦!都無人會欣賞我，就算生到成個潘安咁，都係無人要o架啦!從前相信、期待、等待、甚至爭取......是有是無天早註定，愛的力量根本就很細。

現在最想可以計好盤數，今個月開始以後做到平衡，我已經心滿意足了。往後的路?一步一步從長計議。(其實我真的不想孤獨地走，但命運如此我可以怎樣，惟有努力走下去，雖然我已經好倦、感覺好孤寂，但仍然走...)