21.8.06,星期一,霞. "購票"

昨晚睇"29+1"時知道"20出頭"仍有票賣，這劇題材是講70年代出生，80年代成長，90年代迷失...一個屬於七十年代出生的我們的集體回憶劇目。因為我和Sally和Madam都對這劇有興趣，所以我們決定博一舖，收工去通利睇睇仲有無票賣，結果是...仍然有呀!由於我快入院和就Madam，所以我揀了睇3號晚那場。今次除了我們三人，還有阿華呀!哈哈~~我終於有機會見到阿華啦!Madam同佢拍拖咁耐，我們竟然一次都未有機會聚頭，o黎緊一見，係咪要慶祝o下先得呢!哈哈....
由於今日爸媽去了美食展無煮飯，所以一家人今晚去了德記食飯。

22.8.06,星期二,霞. "忐忑...不安感"

早上當值時，突然接到威院的醫生來電，告知我的手術要提早兩日(即9月5日)做，並由威院轉去拿打素進行。接到這個消息，使我近日已漸漸浮現的忐忑心情，再添加一種不安感。因為驚呀，真係驚o架!現在還要去一處陌生的地方做手術添，就算明知只是無性命危險的小手術，真的也會感到十分不安。由於要以防萬一，遺書真的要著手寫了，可能寫o左心情會好一點，因為交帶好o的生後事，去到去得安心o的。