27.5.06,星期六. "書"

星期六，短週，所以睡至十一點幾十二點才起身，真的是大昏迷。
下午同爸爸&弟弟食過o野，就一個人出旺角逛，買了兩本漫畫和幾本書，hehe，其中有兩本是學品評和選購紅酒的。逛到倦了，回沙田搵爸媽食飯，去了禾輋紫荊打邊爐。

28.5.06,星期日. "Madam"

今日睡到十一點，給個衰o野的來電噪醒，所以順勢起身同細佬去餐廳食早餐。食完早餐，睇新聞之際，隻o野又打o黎，同佢傾o左陣，傾到我遲到呢!我今日下午兩點要上講論的呀!結果我遲了十五分鐘。今日郭老師的講論十分精彩，學o左好多o野，所以我今日沒有釣魚呀。由於老師說得太精彩了，所以原定五點完的延至五點四，亦因為如此，來"接我"放學的Madam要等o左我一陣，真的唔好意思。
放o左學，同Madam去了行LOG-ON，因我想去揀禮物比心心，我原本心裡想了一件好實用的，但睇唔o岩個款，結果轉買了一件好得意，理論上又實用的，但最後用落係咪好用就唔知了。我買了禮物，而Madam則買了一個放醋和橄欖油的玻璃小瓶。
買完o野，過佐敦Tivoli食飯，然後再過海港城逛睇家品，Madam買到紙巾盒套同咖啡呀!但我就買唔到茶葉和墨西哥辣椒醬呢=(。同好友一路食o野一路行街傾計真的好開心，就算傾到唔開心的，心情都唔同o的，但到要同Madam say bye，個人的情緒又轉down了。
今日多木又去o左同那個男的一齊......
我真的再無力去撐那隻o野了，你自己保重啦!