29.4.06,星期六. "愛是不能大方與慷慨"

今日的長週，有點被搵笨，但無計啦，早上勤奮地工作......

到了午後，突然接到多木的來電，還以為她覆佢大家姐的落腳點，但點不知原來是她叫我幫佢弄去Sally，好讓她今晚佢同那個男的去街......我一聽到都唔知比咩反應，我伊伊呵呵的話可以，但其實內心一千億萬個唔願意，極度唔開心，我收線後直頭覺得自己痴線，由於我在工作中，我抑壓注自己的情緒.......我點可能癲到眼看自己鍾意的人同另一個人一齊，還要幫佢一把呢......及後我還是send個msg拒絕了多木，就算她話我小氣、幼稚、唔成熟...什麼也好，又或者她唔要我這個"朋友"了也可以。我可以等待她，但我真的不可以將對她的愛如斯大方和慷慨。
尤幸這個時候約了Leon來我中心幫手check新電腦，我情緒才有所控制，收工後他捉了她女朋友陪了我一晚，我真的感激他，我的好兄弟..."在心中"
今晚同他倆去了試"California pizza kitchen"，這裡食品和環境不錯，一定有第二次光顧，但由於我趕回家睇波，所以害了兩位食得急坐唔耐。
由於食飯時喝了杯Long Island Ice Tea，縱使唔開心亦很易入睡了。