其實這幾天，心情只有一種......

16.2.06,星期四. "關心"

心情依舊，所以搵Pinky傾計，但她要9:30後先得閒，所以我做o野做到7:00先收工，然後一個人回學校還書，跟注盪o下盪o下才回沙田匯Pinky。由於Pinky約了她的男友，所以今晚同埋佢一齊傾計(今晚第一次見她的新男友)，因為夜了，我們傾的時間不多，去了味千一路食麵一路傾......多謝妳們的祈禱和祝福呀!如果有些人學到妳們一半，又或者最低限度唔好搞破壞得唔得呢?
回家路上，同J先生和小梨傾o左一陣，多謝你o地。
小梨，其實妳很了不起的了，有John哥哥與妳互撐，妳我終有一天可以修成正果o架!妳要努力加油呀!再加上我知道小梨一樓都叻過John哥哥的，妳點o既!!

17.2.06,星期五. "哭"

今早收到多木擲回的卡，起初是呆若，然後是無限感觸與回憶，結果忍唔注哭了出了...可能有人會以為，我是因見到張卡被人拒絕而哭，但我可以說"不是"，我根本不是有被人拒絕的感覺而哭，因我張卡本來就唔係要示愛，而係給人家退回禮物、情人節卡，已經不是一次......知道嘛!?從前一個十來歲的學生，第一次送情人節卡比喜歡的人，然後給人原封退回，感覺會是如何......再到大一點，出來社會做事了，送生日禮物比自己深愛的人，然後又是被打回頭，心情如何?結果在街邊痛哭......
一次又一次，所以當見到張卡，唔開心的回憶按捺不住的全湧出來，再加上一聯想起今次又一次失去好友，眼淺的我結果在寫字樓哭了出來，這一哭不得了，驚動了主任，要閉門安慰我......這一哭，使我知多了一些事......。
哭過了，下午個人好一點，但心情依舊。到收工時帶著這幾天揮不去的心情，一個人落沙田食麥噹噹、買給Toto的禮封和禮物，然後就回中心看檔。由於早上哭過了加上心情，根本就做唔到o野，所以在電腦檯前睡著了，到九點左右，給Mon的電話弄醒，然後傾起我的事，結果又係哭...又係哭，又知多一些事。這一通電，我可以更肯定有三個朋友是最清楚我、了解我、關心我...那就蕉蕉、Madam和Mon。

18.2.06,星期六. "Toto結婚了"

今朝打了封信給多木，希望她會睇，並明白事件始末，唔好再嬲我，我真的不知多木以後會點對我......
下午，又從主任口中知多點，是真是假，不想深究。
由於工作忙碌、主任生日、晚上要出席Toto婚宴，所以下午收拾了心情，面對這一切。結果在午後至婚宴上，我擺出一副沒事的樣子來，但內心其實......
婚宴完結後回家的路上，又同阿Mon傾多了一點。但願阿Mon所說會是對的。

19.2.06,星期日. "多木考試呀......(我)一個人"

今日多木考試呀，唔知佢考成點呢?
同爸媽飲過茶，一個人出深水土步換番o的CD盒，然後過旺角逛，用購物來麻醉自己，由旺角買到返沙田。
晚上同爸及弟去王家沙食飯，又係王家沙、又係上次同一張檯，但今晚少了一個來電......

心情，只有我自知。