7.2.06,星期二. "一場歡喜一場空"

"許願樹"活動完結後，收到多木的來電，她說星期日海洋公園之旅取消了!我一聽到頓時感到失望(但我還要裝作沒所謂)，故即時問她原因，她答她唔想去，有其他人約了她，我再問邊個，她就罵唔關我事...算啦!其實人家星期六全日同我慶祝，已經是我的福氣了，星期日本來就是賺多o左的，看開一點、看開一點吧......不過始終有一場歡喜一場空的感覺。(不知星期日會點呢!不過點都好，人大了......)
今日收工，同爸媽和細佬一齊出席家俊的婚宴，這次是我和細佬十多年來再見番珍姨佢o地，對上一次見耀良同嘉俊時大家還是小孩，沒想到今次見番他倆，大家已經是成年人了。
人大o左，雖然個樣沒有大改變，但人家老成o左不少，反觀自己呢?白淨又嫩口，haha...講好聽自己生得後生過人，但其實即係自己個樣生得唔成熟囉!相由心生呀......
今晚晚宴十分豐富，食得勁飽，近日食少o左的今晚食番晒，真慘!但再慘都不及飲醉酒，是關今晚席上供應的紅酒不知是太差，還是太烈，雖然我本身有頭痛，但沒想到散席後，一上車就睡得著，這表示自己醉了。

8.2.06,星期三. "身份證"

昨晚半夜三點幾左腳抽筋，好痛好辛苦呀，不過我再一次沒有叫救命，可以自己救自己。之後發了一個怪夢，去了伊拉克打仗...?
今日收工去了換"低能身份證"，換證快過睇醫生，所以有很多時間去揀新裇衫，準備星期六同遲o的去飲著(買o左四件呀)。買完衫，買埋龍貓糧就歸家了。

其實自己真的不宜想太多，比心機做好自己吧!努力努力，希望自己他朝能有所成就。

多木買到貔貅了，希望能保佑她啦!

今晚找了馬姐，但似乎幫不了多木。