真的害怕寫週記，因為要用腦回想，還要是兩週添，唉喲~~無記性的我最怕!!

9.19,星期一.
中秋節翌日假期，沒有安排活動了，好好在家休息(好似，真的唔記得)。

9.20,星期二."失望"
自己取了的假期，原本想去觀塘退番部有線寬頻器，但結果沒有去，留在家中執房，執到傍晚就出深水埗，會合Raymand去取對講機的報價，然後行陣間，跟注食飯傾計。不知是今晚餐飯不潔，還是D油唔熟，今晚肚痛大作呀!
今天的假期，原本約了人家去飲茶，但點知...真的唔開心呀!

9.21-22.
唔記得...

9.23,星期五.
今日收工雞咁腳咁走人趕去"大酒店"，因為今晚姨丈公設靈於"世界"，但我夜晚又要當看更，所以只好於開工前去靈前躬個恭以表心意，然後又趕回中心。

9.24-25,星期六.
唔洗返工，但做o左D咩呢...死啦~又唔記得添!!

9.26,星期一."搭訕"
收工約了Leon出深水埗買對講機，順便逛街。
要"大啦啦"出注二千蚊買機，真慘~~都唔知會計部幾時先比番錢我...去開深水埗，當然去行o下黃金吸收o下電腦資訊，順便買番條MP3線，HEHE...可以換番D新歌出街聽了。行完黃金，過旺角，Leon帶了我上一間樓上書店，之前我未去過的，不過這店的賣的書唔多o岩我，我只是買了一本吧了~不過張先生就大有收穫。而這店亦有不少歌書和猫猫書，o岩晒文滔仔同Sharon。
行完書店，兩枝公去了大家樂食飯，飯後欣賞"戰利品"之際，一位搭檯哥哥仔聽到我兩傾談歷史故事，他特然搭訕，但這一搭來得很自然，三個傻佬(由其我)傾起上o黎，結果最後交換予e-mail聯絡。

9.27-28.
只記得忙做PowerPoint"中心歷史回顧"

9.29,星期四.
中心十週年晚會，但沒有什麼感覺，因為只是掛個名...本來是一個很有意義的活動，但......

9.30,星期五
之前忙完一晚得個倦字。

10.1,星期六."大陸淪陷56年"
大陸全面淪陷假期，有三班朋友約我，結果我只能去一處，去了阿青屋企玩。
我同阿婉、陳生一齊入天水圍，阿賢先安排我們去會所"篤波"，然後上樓打麻雀，打o左兩圈都唔夠就跟注打機，打完見Pinky將近到就開飯。今晚阿青佢兩公婆為我們準備了"室內燒烤"，好食又好玩，我最愛在那電烤爐上"燒呀燒"，燒到我都想買番個返屋企玩!食o下玩o下，不經不覺玩到成十二點幾，結果我們要坐通宵小巴出旺角轉車返沙田呢~今晚又辛苦了阿青同阿賢要執我們的手尾了。
今日打牌吃了幾舖大牌，最勁個舖成11番，好耐無試過咁犀利了，雖然不是玩錢，但有糊食一樣開心。

10.2,星期日.
三兄弟妹下午去了西田食飯，然後逛沙田，去商務取哈利波特6、買鄭和紀錄片DVD、去睇CD、睇波衫，然後回家打機，多悠閒哦~~到晚上就同爸爸去了大排檔食飯，然後回家睇波，但點知......唔想講呀!

10.3,星期一.
要上班了，超級多o野做，因為是月頭，還要是十頭添呢!!