原以為民事案才要面對男女感情問題，原來在刑事案裡也逃不了。

法官不太相信作為嫌犯的太太會對自己丈夫做的＂大生意＂不知情，展開了如下對話：

“佢帶咁多貨返屋企，你唔會問下佢係咩黎架？”

“我唔問架，見到一盒盒包裝得幾靚，所以唔會拆開佢地嚟睇。”

你老公做咩呀？

唔知。

你連你老公做咩都唔知？咁你地點結婚架？你識佢的時候都會了解下佢做咩先啩？

佢追我果時都唔見佢做嘢ge，日日係度陪我。我地係因為有左bb先係返埋一齊。

我唔覺得你有幾了解佢，你講到你地好似陌生人咁，咁你講唔講到佢有咩好呀以致你要同佢結婚？

佢？佢無咩好架，淨係對我好囉！

…（有點無可奈何）咁…你要求都幾低喎，對你好就得啦？咁唔係對你好果d你都同佢結婚架？

係呀，我要求好低架咋。佢開頭係對我好，不過到後來住埋一齊之後佢已經對我無咁好啦。原本要分手，係因為有左bb先係返埋一齊。我宜家更加講唔到佢有咩好啦，現在掉低我一個人去湊個仔…

咁你地點解會係埋一齊？（結果又重新回到原來的問題）

係意外！（聽到這個回答我有點意外）

個BB係意外啫！咁同佢係埋一齊我諗唔係意外啩！同佢結婚唔係意外啩？！

法官就是法官，連問個問題都那麼有邏輯，我要給一個讚。

你知道嗎？很多人問我法院平日審理甚麼案較多，我就說是離婚案和交通意外案。但我不知道是甚麼原因叫這兩類案的數量最多，現在我終於找出兩者的共通點，它們都是”意外”！！

2010/4/14

2010/6/5