頭先剛剛致電問同學仔一些學習上的問題，因為我的葡文不濟，上堂靠翻譯只係get到三成。其實我掙扎了好久要不要打給他，因為我估計到他的反應，我覺得佢會覺得我煩。

要靠人的感覺真係唔好受，要靠一個不太願意幫你忙的人更是令我感到有點屈委。但又真的只有他可以幫到我時，我感到很無奈，身為求人者，我的態度一定要好，即使我打從心底討厭他的語氣。我只可反省我係咪都曾經咁樣對待其他人?當佢地問我問題時我會表現出好不耐煩和冷淡?我發覺做我呢行的男同事唔係“得得戚戚”“招招積積”就係偉論多到暈口水浸得死人，想搵個謙虛少少的都好難。我有時真係會諗，難道呢個世界有本事的人都係咁?那些人不會真的完全不用別人幫忙吧！

要對付那些人，唯一的方法就是超越他們，然後絕不以他們的態度對待其他人。最怕是當你坐到他們的位置時你又不自覺地變成像他們那樣的人，這叫做“屁股指揮腦袋”。

我係度諗，可能只係因為我自卑心作怪呢，別人未必係覺得我煩，或者因為最近天氣熱或者咁啱佢心情唔好呢？
可以怪邊個，要怪就怪自己笨，如果我識就唔駛問佢啦。

可能因為天氣熱，最近都很容易因為小事而冒火。
激死我！

2008/7/20