近排收到數碼通的一封介紹信，原來Sharp即將出新機，由Smartone做獨家，我諗呢部機都係而家市面最強的手機．

部機的外型有D似GD 88(因為個鏡頭位置在中間)，而呢部機厲害的地方就係主屏幕有２６００００色，外屏幕６５０００色，勁！！仲有，除左可以影相（３５萬像＆連續快拍功能）之外，仲可以在相上面加上內置相框同埋一D可以移動的圖案，好似貼紙相咁，而且又有有聲動畫短片拍攝功能，再加埋來電7色閃燈，真係好正！

除左呢D特別一D的功能外，仲有其他GX 12都有的Function，例如：JAVA GAME DOWNLOAD ，話畫SEND，形影SEND，１６和弦，WAP等等．

至於價錢就好貴la，淨機要成４千幾，如果係新上台／舊客户就可以平少少，不過都要＄３７８０（不如買部數碼相機！！）．雖然係勁D，不過我而家用緊的GX 12都同GX 22大致上差不多，所以都無換機的必要．．．