昨日其實有一個喜訊,不過心情唔好,所以無upload上來．

之前我咪講過有一樣unlucky野，無錯，我要講就係呢件事，就係個隻錶．講返小小先，之前本來疌家訂左個隻Anna Sui的手錶，不過因為日子到，都未有貨，所以退訂．早幾日，我又再去旺角，見到個間鋪將我想要的那隻紅色Anna Sui手錶
放在飾櫃內，真係眼都定埋．．．（好sharp呀！！）

昨日，我同家姐又再出旺角逛，又去返那間鋪睇，入去問下價，嘩！佢地開價要成＄１４８０，實在太．．．太．．．太過份啦！！之前去訂的時侯，訂價都係＄１０８０，一星期後，竟然要多＄４００！

我家姐都懷疑，飾櫃show出來個隻，極有可能個日佢退訂個隻，於是，我就對個sale講，我地之前其實訂左呢隻錶，不過遲遲未到，所以退訂，個sale即刻話：“我地批批貨都唔同價錢，一批會比一批貴，你下次買都買唔返呢個價，而且其他地方又少人賣，呢隻係last one，咁啦！你之前又訂過，＄１２８０啦！”我當然非常猶疑啦，因為比之前貴＄２００，但我的確好喜呢隻錶，於是我又再問一下：“可唔可以再平D呀！”過左一陣，個sale又話：“咁啦，最平＄１１８０．”

最後，就在呢個價格下──成交．

（我在好耐之前，响一本周刊中第一次睇到呢隻手錶的介紹，在Tic Tac賣＄８５０，不過好快已經sold out.）