五日假期，有兩日我係要開工的，今日係其中一日．

我第一次咁近接觸鸚鵡，佢仲上咗我膊頭，而喺我耳邊叫，嘩！差啲耳聾．

我亦都第一次同鸚鵡傾計，但係佢應得最多就係男主持，可能因為隻鸚鵡係女嚟啦．聽鸚鵡專家話，佢地同鸚鵡之間的關係唔係主人，而係伴侶，咁就更加唔怪之得，唔多理我．男同女一定多話題過同女啦！

鸚鵡之後就到甲蟲，甲蟲更加係是日重點，因為我喺份稿寫咗”見甲蟲交配”，甲蟲專家之前同我講係可以安排的，haha～所以大家都好期望呢一刻．

要有交配睇，當然要甲蟲本身有mood，八隻甲蟲中，只得一對有feel，好快就係眾多觀眾同埋燈光之下行房！呢一幕令到呢個甲蟲攤位爆多人圍觀．

我都忍唔住影咗幾張相，成為我的閃卡，而家俾大家睇．

P.S.>>>>

是夜睇咗＜美麗密令＞，比起＜越光寶盒＞好笑好多～