今日放工雖然都好攰，不過有得睇Drama就唔同啲！

相信近排好多人都會喺網上或者街頭的碟舖睇詹Sir的＜港女發狂之港男發瘟２--靚模襲地球＞，亦都笑爆好多人的咀．

＜潮性辦公室＞由＜港女發狂之港男發瘟＞變出嚟，喺＜港＞片內除咗詹Sir，亦都顯示出佢刻場幾位成員，各具實力！

＜潮性辦公室＞就係呢幾位成員的作品，無預期之下入劇場，往往得到好多，有好多同感，有好多爆笑～除咗講性，亦都講咗好多求職者，爬上位者的奇人奇事．Mohammad一角，由混血靚女扮成印度差仔，成為全晚高潮，你完全會覺得佢係阿差！

對於現正喺職場打滾的我地，真係要睇！

詹Sir雖然只參與導的工作，不過喺劇完之後出嚟講野，叫我地介紹比朋友at least five！但我就覺得唔只介紹比五個，係要介紹晒比你地．

呢個劇之後雖會同王晶合作變成電影，但係睇Drama的感覺係與別不同的！