兒童節目又來，又要對住呢一班百厭小鬼，佢地由最初咩都唔識，到睇住佢地跳得成一首好勁的舞～自始一有大Show就要佢地出現，亦都由我帶住佢地．．．

其中嗰個肥仔，勁多野講，佢竟然夠膽死對住經過的古巨基話：你一陣跳好啲呀！我睇好你！

真係好搞笑～不過小朋友可以可愛的時間不多，另一個家長同我講佢咁肥唔係咁好，我就話佢都係可愛多一樣年，過咗兩年就唔會再覺得佢可愛了～（因為佢個樣真係唔可愛，同埋係細細粒的肥仔～）

而呢日仲見到一隻超超超活潑的tvbuddy～呢隻buddy真係好high，high到監製都叫佢唔好喺綵排時咁high用晒啲energy～佢high到完全代入哂隻公仔，小朋友喺台上跳，佢喺台下跟住跳，但佢只係特約，之前無排過，但佢可以跟到bit，個個見到佢都好開心，啲FM同埋啲Artist都掛住睇佢，無理台上做咩，連我見到呢個buddy都有啲鍾意添～佢活潑過迪迪尼嗰啲卡通人物架～好可愛呀！

呢日我就係全日做跟班，跟住呢班小鬼同埋佢地家長，因為佢地好瘋狂咁想捉住啲歌星影相，事實，上呢日又真係有好多紅歌星，好耐都無試過兒童節目有謝安琪，張敬軒，古巨基，小儀．．．．．．我要睇住佢地十幾人～～

到七點半，佢地表演完，終於都可以走了～佢地可以返屋企，我都可以了～