2009-06-04 16:58:19幸福小惡女
3/6新《東張》新手！
自從上星期有同事要請假，客串咗一日新《東張》外景，仲第一次係做野時撞到朋友(Connie)，我同Connie影咗張相呀！
今日，我又係頂人放假，原本我係會去做突發，但係之後又轉咗做廠，一個未睇過新《東張》出街的人，去做《東張》，哈哈！即刻上mytv溫書！
喺廠我仲第一次見到港女新聞之花，其實佢真人都幾正，見到佢，亦到不其然令我諗起“Rainbow”，講野時好字正口腔圓，平時講野都充滿自信嘅成熟女人，但感覺一啲都唔平而近人！
我亦都知道，自從佢喺專欄同埋電視《星期日檔案》發表過港女言論之後，好多香港男人都唔鍾意佢，唔知連帶同《東張》收視低有無關呢？哈哈！
不過又叻又靚的女人，唔止令女人妒忌，連一啲自卑的男人都會睇唔順眼嘅！或者佢識得平日加返個親切的笑容，會好好多。