2009-05-21 15:15:18幸福小惡女
16/5「Honey Taste」正式開業！多謝各位專誠嚟到的親友！
忙足個半月，Honey Taste終於喺吉日吉時都開業啦！
足足一個星期，忙住搞裝修，無好好咁食過一餐，晚餐日日都係喺凌晨先食，搞到都無咩胃口了，所以亦都瘦咗。
講返開幕，多謝所有出席的親戚同好友，無諗過有親戚會到，更加無諗到朋友咁有心思帶埋親手整的蛋糕嚟賀我！可以俾我食返啲正野落肚，對我嚟講相當實際！多謝你地！其實有心就得(好在無招財貓同絕交三寶！）同埋再幫我向外宣傳一下啦！哈哈！
我地為大家準備的開幕小茶點，本來有個好精彩的朱古力噴泉，仲特登去訂朱古力漿，點知到最後變咗朱古力煱．．．唉！但係朱古力漿本身真係好滑！
另外仲有Kalson媽咪買的齌，話開齌開齌好意頭！當我攞咗一啲分俾一位朋友食時，比佢話我有心．．．因為佢的Ex女友係食齌的，佢自己又極唔鍾意食齌，哈哈！真係我只想講句：講者無心，食者有意囉！呵呵！
再一次多謝各位嘅到來，同埋為舖頭出心出力的貴人：
老豆﹣幫忙搞裝修，忙足多日，出心出力，係我的super dad!
阿媽﹣舖頭個窗簾人人讚，係出自我媽的手藝！
同家姐／姐夫﹣一個超實用的兩層貨架，係家姐同阿媽送的！
Jason﹣陪足我成個星期，佢都攰到暈，辛苦晒！
婆婆﹠姑姐﹣吉利利是！大吉大利呀！
阿茵&阿Wai﹣美味蛋糕好搶手，你地快啲開店啦！
仲有一班好友Vivian、Alice、Janet、Andriy﹠Tiff、阿康&Candy，AC、Gigi。
下一篇：17/5繼續有好友到來
如果你搣舊有紅豆沙餡嘅麵包俾我食我諗會開心啲囉, 超人!
都係齌嚟喎！呵呵