是日為outlet血拼日！最後一日盡地一舖！

十一點幾出發去Cabazon，呢個係最大的一個outlet，亦係outlet發原地，所以品牌特別多同齊，大家食完野醫飽個肚就開始作戰！

而三嬸話而家美國不景氣，所以今年啲衫比往年平，加上撞啱Vivian堂姐即三叔個女都嚟左，佢仲攞左啲coupon book比我地，可以折上折！平平平！！！！

大家重點都係喺Tommy同Polo，Tommy大家都有好多收獲，而到左Polo，Gary進入左瘋狂狀態，買左二十件，六百幾蚊，係美金呀！之後又去Levi’s買褲，我明白點解Gary會買到咁多，一來佢之後要喺UCLA一個月，未必有時間再去買，二嚟仲有一個原因，就係有專用的Stylist喺度，佢話邊樣好就買，因為．．．．．．之後又陪Gary去買心愛的太陽眼鏡，但買左之後變左盲俠，因為眼鏡無度數！

再去買埋Vivian推介的美食，買返香港比同事做手信，我買得好多下！

我地真係買到舖頭八點關門，好彩Vivian堂姐的男朋友有車，佢架車喺美式的後面有個貨斗嗰種，不過都比我地填滿左，而三叔架車都要放埋得，我地好勁呀！

買夠，就當然要醫肚啦！一入間館餐我地同Gary夾好，差唔多食佢先出去比錢，今晚我地作客請返三叔三嬸．而晚飯其間，仲有歌手唱歌，三嬸原來出左去點生日歌比Vivian，全場都同佢慶祝，即使生日已經過左聽到都好開心，歌手唱完歌，電視就播一個賭的遊戲比賽，講解好呢一邊的賭場玩法比我地知．

食到差不多，三嬸太醒啦！佢靜悄悄就走左去埋單，我地又失敗．．．

今晚我地由Vivian宿舍將行李搬返去三叔度，因為明日一早就要飛，而VIvian明日又要返學了．．．

返到去，大家有排忙，因為要將今日買返嚟的戰利品分莊，

我仲幫Gary手摺佢一大埋衫添！攪完一輪都兩點幾．．．Jason沖完涼就上左床瞓，

而我晚難得同Gary兩條友，又係一個無酒精的晚上同佢傾通頂！

不經不覺都識左七八年，有人會好奇怪我地會咁老友，但係比我發現到我地共同地方，就係都係有準備的人，佢我睇佢嚟美國的事前準備，而我雖然係跟旅行團，但我都事前睇晒同print埋有咩機動遊戲一定要玩，點慳時間咁！而佢喺呢晚亦都完全釋放自己，每一次都係比我見到你呢個樣，我唔會覺得肉酸，只係會覺得心好酸！太多事情唔係自己能力下可以控制，太多事情說話做左講左收唔返，而家最重要係過得開心，其實你比好多人都富足，不論家庭，朋友，同埋見識，好好享受嚟緊一個月的時間，為自己的眼界，為自己學到的視為目標，只有為自己，得到的先最受用．

事情係有過渡期，經歷過失去，就會明白並無其麼大不了．我都講我自己case比你聽啦！不過我無諗到你會同我講返，原來以前我拍拖，你話我結得成婚，人情都唔比（係對象的問題），而家我結得成婚，就要整返隻乳豬先（係個人心態的問題）！哈哈哈哈！笑死我～～就係鍾意講野咁鬼直接！

美國無咩高樓大廈，你應該可以睇得好開同好闊的！（講爛Gag添！）