星期六上午,去左旅行社交埋尾數~一出糧就將錢轉移啦~哈哈!
一切落實晒!仲有兩個星期成行啦!好期待呀!

下午要開工...如果唔洗開工,我可以同Yoyo一齊去探朋友...而我工作的地點,又係觀塘區喎!喺今日的活動上,見到DHL廣告上玩花式足球好勁的嗰位速遞員,佢原來係一個花式足球表演者Mr. Woo,廣告中的球技,係真材實料!無用電腦幫手!真係大開眼界!相比梁漢文,差好遠囉......

返埋公司寫稿,晚上再出尖咀join家人,終於見到佢地架新車!真係幾好座喎!不過真係要啲時間去熟習先得,因為係無D波同P波架!