今日生日的家姐，Alice仲有Agnes，生日快樂～大家都愈來愈正，愈來愈靚啦！！呵呵～～

尋日先剛剛上畫的＜千杯不醉＞，今日就攞住M power送的戲飛去睇了～免費的，仲有汔水同pop corn，都係free ga～
放工我已經早走左幾個字了，但去到都係剛剛好，因為太大雨，濕晒～今日原來只要攞住封信入場就可以了，完全無劃位的，因為太遲入場，結果要坐第二行呀～

講返套戲先，真係等左千嬅的戲好耐了～呢套好睇呀！！吳彥祖真係吸引死人了，做一個識得整美食的廚師～方中信的演出，又真係同之前的好唔同，係一大改變，好抵死，我會好欣賞佢對戲入面小敏（千嬅）個份情，雖然粗粗魯魯，又得唔到小敏，但一直係背後都仲好關心佢～～至於千嬅呢，都好似係做返佢囉，有情有義，心口有個勇字的！一段千嬅同吳彥祖係廚房時，比佢對面屋朋友發現之後的一段話，真係正！

仲有就係，戲入面就講到千嬅為左同吳彥祖去遊世界，將cafe改成茶記，有時女仔好多時就係會不自覺咁做得多左野，係愛的表現，但對對方來講，又可能係以為想改變對方的行為．

之前我睇過報導講，戲入面坐係地下的三個婆婆，其實真係個頭的街坊來，但拍攝個日佢地又坐左係度唔走，所以就索性叫佢地客串下，做下八掛街坊～

戲中千嬅首國語歌好好聽～～

P.S.>>>>
真係買左！！你係一個行動派～真的很surprise．今日係咁借左親戚的耳仔（聾耳陳）～haha～唉～好啦！但千期唔好有高期望．．．等我返大圖時，咆下書先～