尋日就去左RYRY家，今日就去左Stephen（拉B）的家，真係好鬼遠．．．
而今日到來的有好多好多人，真係估唔到阿茵阿Sam都會來，加入埋我地一齊傻．．．

去到之後當然少不了周圍睇，睇到Stephen間房，Gigi仲走埋上去Stephen張床，我同RYRY都好緊張，唔知佢張床會有D咩．．．我地仲話要搵滅蟲專家來滅蟲，小心小心！！

而我就帶左個eye toy上去玩，佢地個個玩到傻晒．．．係咁跳，RYRY仲好笑，想用埋自己的頭髮來抹玻璃，連葉妹妹都完埋一份，之後我地又打麻雀，又玩啤牌，再玩埋波子棋，我仲做埋波后（波子皇后），哈哈～～～

本來佢地話想order pizza食，不過我如果食埋今日，就一連３日都食，咁樣，我就會熱氣死了．．．好彩我無打算同埋佢地一齊食飯．．．而後來，佢地都無諗住叫pizza了．

玩到盡興，都成７點幾，而我地有D早走．
我就返返去荃灣繼續我的下半場節目．．．