有一樣野我自己都矛盾左好耐,我真係唔知自己有幾love身邊呢個男人?!

佢唔係一個冇用既男人,只不過冇機遇!但我真係覺得好冇安全感a,我內心好似有兩把聲咁...

一把係理智;另一把係情感......

我一直希望自己既婚禮可以好盛大,而且我好想有好多人既祝福...

我Daddy& Mum都真係覺得好唔開心,偏偏因為一D大家都控制唔到既因素而咁!

我個囡囡差唔多6個月la,仲有幾個月就出世la...我真係覺得好累好累>>>自己心理壓力好大,唔知自己既choice岩唔岩?!BB出世之後,就會改變我一生,我同佢仲未註冊ga,而且佢既野我好似都一無所知......我冇後悔過同佢一齊,而係好驚a!!!我好似睇唔到自己未來咁...我而家已經覺得我以後條路會好難行咁,而且我地到今時今日都成日鬧交,更可笑既係我地以前仲會打交~~

我好多身邊既人都叫我唔好同佢一齊,但係我地呢兩年經歷既野根本冇人知...其實我可能係識佢個一段時間,我既生活根本就係一塌糊塗...

係我岩岩識佢既時候,我好hurt,唔知點解個天好似玩我咁,每一次同我一齊既人都係咁,係我特別易呃or佢地太勁呢?

Jacky件事到而家好似已經係6年前既事la,6年前我居然白痴到為一個花心既男人放棄左學業,浪費左屋企一番苦心,仲偷偷係melbourne偷走返macau!可笑既係到今時今日呢個惡號依然仲係我生活入面,點解呀???我當日真係決定嫁比佢ga!我唔理屋企既反對,放棄所有野,點解到結婚前一刻先比我知道咁多我唔應該知既野???之後我同佢分開左既幾年,大家都有keep in touch,2006年,我真係有衝動跟佢返澳洲...

之後既另一個人簡值係我生活入面既污點,到今日我都依然有殺佢既衝動......

可能就係因為之前咁唔開心既回憶,係識而家呢個老公之前,我一直每日都去飲酒,日日都日夜顛倒,同佢都係飲酒識ga!之後大家經歷jo好多野...

但如果我同老公係而家先識既,我諗我真係唔會同佢一齊,,,好多事都有晒定數!所以今日我身邊既係我老公,而且我好想好想我地一家會幸福........