十一月又開始，工作上依然沈悶，
但心裡面盼望著這兩過月快點過去......

可能當真係唔做呢份工時，唔知會點樣，
而我憂慮比唔倒錢屋企或者自己唔夠錢駛的情況會出現，
但"走"係宜家我覺得對自己做好既安排，
因為如果唔走留係到做，我諗我會返工返得好灰；

當決定左會辭工時，就開始諗下自己幾時開始要積極ｄ搵工，
但講到搵工，又會諗究竟係咪又搵返宜家做緊既野呢？
或是搵下一ｄ自己更喜歡的工作？
但最終其實我都唔知我喜歡乜野的工作，

由細到大，我都無乜野我係特別想做或特別鐘意，
所以每每叫我去揀既時候，我都會話無乜所謂，
有時，我會覺得唔無叫我去揀你安排晒比我就最好啦～
但當人越大要選擇既野就越多，
所以當遇到要選擇時我都會矛盾一番，
呢個過度期有時會令我有種納悶既感覺，
諗下諗下又會諗埋左一邊；

但其實知道咁樣完全解決唔倒自己心裡面的疑問，
可能只係因為想抽離一下現實，
而讓自己心情得已舒發。