唔洗做野的確係好爽! 咁樣又有兩個禮拜假放.
由上星期日開始到7月24日, 老姐我就唔洗番工了.
呢幾個星期, 由6月到7月, 我都唔敢亂洗錢, 有如守行為一樣.
真係好慘呀, 男友仲帶頭買野....
不過好快就比佢反撃, 話我帶頭買野左幾年

今個星期一就煮左成日野, 雖然效果麻麻, 天氣又熱, 家又無冷氣.
我都覺得幾過引既... ... 人便真係賤格了!
跟住, 我要買一個微波爐放得到既玻璃器皿,
行左成大半個青衣(我唸六份一...), 都搵唔到有得賣!
結果出左去荃灣, 由千色行到去吉之, 最後竟然係日本城買左, 真係嘔!

好在, 煲左個湯都有人讚下, 如果唔係唔知煮來做乜了!
但買餸好Q貴呢... 換句話, 落街食好過. 不過當玩啦!
之後, 又煮左個糖水, 紅棗海底椰, 雪凍之後真係好好味呢~
不過都係個句, 屋企太熱, 無乜心機食咩!

第二日, 係屋企呆左成日, 晏晝落左街食下午茶,
番來再睇埋本FREAKONOMICS, EVENTUALLY, CHAPTER SIX IS REACHED !
跟住約左阿妹食飯, 不過係人地阿妹, 我都叫佢做阿妹了.
阿妹佢瘦左好多, 真係要好好照顧自己!

第三日, 見成日工, 支力到非常!
由深水埗 --> 尖沙咀 --> 深水埗, 天氣又好熱,
不過用左好多時間行下一個海港只有一個既SHOPPING CENTRE, 當IFC無到!
若然大家睇到呢間公司請人, 千祈咪去--> RISO PRINTER(www.riso.co.jp)
呢間野個負責人頭腦簡單, 個人認為去到比佢INSULT,
竟然天真到打個旗號請SALES EXECUTIVE 其實係搵CLERK.
仲要猛話一間無乜人識既公司係香港銷量no. 1... ...
既然我唔岩你, 你又唔岩我, 搵我來托咩! 需知道量地既人係唔可以亂用錢!
不過我都唔岩既, 事後我睇番record, 原來我3rd July apply,
佢標出黎個salary 係above 25k.....
仲要我走個陣聽到佢兩個sales 係度數見我個位manager, 真係要命...

星期四, 我病了, 不過依然走走笛笛... 我開始發覺我並唔係坐得定既人.
所謂放假都走左成日幾, 真係無野做都會走來走去.
今日要去田土廳拎野, 又要出荃灣, 毫無建樹,
唔知我老豆會唔會比番D車馬費我...

星期五, 又要去見工了!