嘩.....原來我已經差唔多四個月無寫日記了, 當初我點解會開始寫我還記得, 我呢排點解唔寫我都知道, 因為我懷疑根本會無人睇我的日記了, 寫得多有趣又如何呢? 不過當我睇到gloria的日記時, 又令我有再想寫的衝動, 而我真係有太多屈結在心中, 只有呢個方法可以舒發。

近排, 在我身邊的人都一路一路好, 而我就原地踏步, 唔知自己做緊乜, 日日無所事事, 無端端join左個健身會, 好地地又出去搵工, 結果欠下一身債再換來傷口, 我唔知自己可以點做了, 朋友間又出現了問題, 上年還是好好的, 點解依家會好似陌生人咁呢, 唔通之前一切都係假的, 我唔相信, 我真係覺得呢個世界係美好的, 唔會有d咁既事, 但係事實上, 我係被遺棄的。

工作上, 一般都係無問題的, 不過我當然想再上一層樓, 我想好似阿迪咁搵咁多錢, 但係原來我係真係無料的, 我好害怕出去同人爭, 我的將來又變得一片濛濛的。我可以點呢? 我讀d證書係咪真係有用的呢? 我懷疑我自己, 我懷疑我身邊的人, 我懷疑這一切都是假的, 我想逃避, 我想做小朋友, 我想咩都唔使諗, 我想坦白講出一切, 我想............