率先報導左我朋友既戀情後, 我突然記起我地六壯o係2005年係有一次聚會的, 就係o係我同迪迪家舉行的私房菜喇。為左呢一次私房菜, 我特地早一日放工時買定d"送"同問拜仁兄借個真空煲, 因為當日我要做三樣"送", 第一係薯仔雞翼, 第二係青紅羅白粟米湯, 最後係燉竽頭紅豆西米露, 係咪好豐富呢?

除左我要做三樣菜之外, 歌利亞同貓貓都準備左每人一味, 歌利亞做佢最善長既什菜煲, 而貓貓就整冶味既泰飯, 同場加演迪迪仔炒菜, 而其餘兩位男仕就負責打機、打機同打機的。

當日, 我打完通宵牌之後訓醒, 第一件事並唔係刷牙洗面, 而係走左去煲糖水, 因為d糖水係要燉四五個鐘頭架, 之後就要煲落湯喇, 大概一個鐘頭之後就差不多做好了, 跟住就係等待我d好朋友上來, 等呀等, 終於肉肉大叔同大嬸上到來了, 之後就係金金同佢老豆老母, 金金上到黎, 噹噹一定開心啦, 佢地又再玩到翻天覆地喇。而主人家既我呢, 就馬上做埋我第三味菜~~~~薯仔雞翼, 之後就盡量執好個廚房等阿貓炒飯喇, 好香呀, cat用左蝦膏同埋泰國臘腸炒呢個飯, d泰國臘腸原來係甜味架。而因為時間既關係, 歌利亞預先在屋企整好左個什菜煲, 仲好有心思咁分開d"送"同d湯添, 所以好快趣, 我地就可以有一餐私房菜食喇。 你睇, 我地餐飯係咪好豐富呢?