近排個天氣突然變凍, 天文台仲話會跌到9度呀, 真係好凍呀, 本來約左聽晚先打邊爐架, 點知肉肉話頂唔到喇, 佢等唔切喎, 咁我地就提早十下十下啦, 而我就非常期待呢一場邊爐, 因為天氣真係太凍了, 一早起身洗面d水真係凍到入心呀, 一落樓d風吹埋黎真係凍到震呀, 希望快d收工快d打邊爐就好喇。

今晚因為我太期待既關係, 我早到左, 去到一個人都見唔到, 歌利亞同拜仁又去左荃灣, 阿貓又未到, 等左一陣, 肉肉大師黎到, 佢一身螻羅裝束, 絲絲縮縮咁黎到, 成個流浪漢一樣, 我地兩個決定上左去開位先, 費時在樓下食風啦, 一上到去, 我地就急不及待咁點菜, 先黎一個鴛鴦鍋底, 再黎十碟肥牛......等齊人, 六壯士就整裝待發, 等緊水滾既一刻既來臨, 大家一齊談天說地, 一齊渡過2004年既最後一場邊爐喇。