難得出糧，終於可以去旺角行街買野，我真係好中意旺角!!!

我唔會係個度迷路嘛~~~個地方又好有歸屬感。



一點係地鐵站，不過正確時間係一點零五分!!

去到之後去卓悅揾我支Fasio睫毛膏，唉，去得唔係時候啦~~~

要黑色無黑色，下星期先有!!![[[我九月六日再去買你返o黎]]]

行去信和揾儷人要個隻《自作自樂2》，因為仲未知幾時出，然後就行去sasa。

出奇地無係信和買野，可能未到時候啫XDD

去女人街間水道橋食飯ˇ好好味呀^o^



係sasa買返支凡士林，這支是第四支嚕，雖然不是車梨子味!!志在好用嘛。

仲有支KOSE的睫毛膏同雙眼皮膠水。

行去新の城時，係地鐵個邊有個女人話個外國人偷佢D手扼，有個菲律賓人做翻譯，從而吸引了一大棚人觀賞。

新の城播緊w-inds. tour2003呀，行o左一陣又過旺中行!!!

上銀座影相，好靚o架，又多野玩喎~~~

下次要同Agnes一齊去呀。



行到五點返荃灣嚕，唔好以為唔洗返工只不過返六點咁解!!!

係地鐵影o左張不錯不錯的相XDD名為「拓人」

去千色，買雪兒雪糕，密瓜味都幾好食，去GIORDANO睇迪士尼衫，阿珊佢嗌我囉^^因為佢話會唔記住英文o架~~~

再去Sanrio睇下sugar bunnies手巾之類，我跟住就返工。



返去無耐，Edmond突然係度話我好健談，可以四周圍傾一餐，又話我係non stop咁講~~~連全公司好靜o既Fanny都可以咁好傾，仲話如果將我一星期講o既野寫底可以睇幾年!!!(超誇張=口=)

真係，全部出自佢口˙ㄩ˙我諗我講個D野你絕對唔會睇囉XDD



可能因為尋日，又可能呢兩個月，我一出聲你就走o黎叫我唔好講野

而家你忍唔住啦~~~要將你對我咁多口水o既睇法講出!!!

哈~~又話我講咁多野會口大XDD如果唔係呢度D人健談我又點會咁健談呢??我好慢熱o架!!

可能呢個亦係我其中的優點。

所以，被佢講完即刻做自閉仔!!!



阿珊叫我〝算吧啦~~~你一定講野囉!!〞就好似KaKa叫我〝算吧啦~~~你一定會笑。〞一樣!!

Pat話因住Edmond炒我，我話〝係囉，我都唔想成為史上因為返工傾計而被炒的人〞

同Yeeman一企埋大家好自然講D野串下大家囉XDD

佢話我講野唔正呀~~~自閉>>>自啤，鬆糕鞋>>>鬚公鞋…

勁捉我D語病囉!!!



星期五去完迪士尼要請同事食米奇老鼠朱古力呀!!

而家諗起，我後日就出發啦!!!同w-inds.一樣9月1日去台灣

東張西望有w-inds.，網上有人up了段片!!!都要多謝KaKa畀個網址我。



發了一個重回舊公司的夢，但見到的全是親戚(除了麥小姐)

在某片段看見CHIP N DAIL在某地跳上跳落。

P.S. 嬤嬤今日入院。

P.S.1 ACTIVE GIRL的眼線液筆真的是防水一流，我做了測試的!!

配上Fasio睫毛膏完全是〝正〞