~~要走了~~
一個好睇我兼且好熟嘅阿頭今日同我講
佢要走啦
我當時呆咗…
問佢去邊同幾時last day
佢都唔肯講
只係話應該今年年尾前
問佢同咗老細講未
佢話未
咁有冇其他人知
佢話冇
不過之前想俾佢d 細有個心理準備喎
同佢講話帶埋我走
一半係講笑
一半係認真

我係由佢一手帶大
由收到我封CV 到約interview
到入咗嚟咁耐
我大部分時間都係跟佢
好多嘢都係佢敎我
佢亦都會不時提點我照我….
叫佢幫手佢永無托手踭
佢要走
一時間好似冇咗個mentor
少咗個靠山
雖知道佢有料
一定唔會喺度留好耐
但一直以為我會早走過佢
無諗到佢仲早過我
亦無諗到會係今年內離開
個刻我真係六神無主
過一陣才會過神來

不過深深明白到
天下無不散之筵席
冷靜過後覺得
其實呢d係一生必經階段
總會遇到
所以要學會獨立
要學會適應

不過好肯定我哋以後一定會keep in touch
希望佢會有一番作為

最頭痛應該係我大老細
因為我阿頭的確係一個好得力助手

~~A PERFECT DAY~~
買咗孫燕姿新碟
好開心
仲送限量dvd,postcard同poster


~~童夢奇緣~~
由娛樂新聞、宣傳到上畫
一直冇諗過睇
以為會同之前大隻佬差唔多
又係玩化妝
不過睇過影評同朋友評價
都話好睇
且賺人熱淚
阿媽更加讚口不絕 (雖然我老豆照例喺戲院釣魚)
令到我都好想先睹為快

因為本人喜玩即興
今晚經過多番嘗試約朋友但不停食檸檬後
最後自己一個十點後放工
去咗公司附近戲院
買咗包爆谷入去睇午夜場

真係好好睇
好耐冇睇過一套笑中有淚
淚中又令人回心微笑嘅電影
好耐冇睇過一套劉德華擔正嘅戲會令我咁感動
每一個人都做得好好
選角適宜
片中更有好多發人深省對白
簡化之:
「人生就是一個過程，時間過了就不再回來」
「即使生命剩下一天，也要好好的過」
「點解其他人好似有咁多時間而我就咁少嘅」
有機會
我想再睇一次
我覺得每睇多一次
該會回意更多

一套很有意思的電影
不能錯過