今日要太極測試，早上返去仲要換衫+去泳池囉白鞋囉！好在都岩岩好趕得切返到去！點左名先去囉鞋囉！要我地0的男仔幫手開完草皮之後，師姐帶熱身後係度耍左野就三個三個咁分組開始耍lu~我今日好緊張呢！有0的唔記得添呀！不過好在都ok呢叫做！話就話叫我地做多次測試睇下打成點！其實說穿了只係因為醫牙二要考試冇人開草皮0者~順手先叫我地做多次~0的大人做野真係有深度呢…上完堂之後同0的醫牙二一齊夾返！練過下點入場，點走咁囉！我好心提出0的醫牙一同醫牙二有咩唔同0既地方，但係佢地個感覺俾我係愛理不理咁，又話我跟唔到個bit喎！我只係留心咁睇住師兄打0者！不過算把啦，都叫做一個好的機會可以出去見識下！不過阿其佢問羊老師佢可唔可以又比賽一份，不過佢話唔得，冇得一齊出去玩添！同0的醫牙二練完即走喇！去左飯堂坐左陣好鬼餓呢！出左去杏花食飯！今日好好呢，又冇人食煙又冇乜人，好似包左餐廳咁呢！仲有0的好肥0既野睇添！之後校巴返去，原來都搭三了~換埋衫都差唔多要上堂喇！幫阿石去樂加囉野！見到家妍，俾條粉條入囉！唉~學阿石0個句，好在我讀過下幾年書！如果唔係……之後上堂又要抄下野咁，唔知點解有人好似唔洗上堂咁周圍走！之後三點去飯堂同幾個兄弟食tea呢！差0的俾石佢噴到我一身都係野呀！^^之後個個把口都話溫書，但係就冇人郁！出左去籃球場阿石企左陣架！之後都決定入拉記，開頭有四個人坐係度架！我啦石傑同興！我睇左三個字左右好眼訓喎！決定訓了！訓左半個鐘左右之嘛！四半去做尖，一起身0的人走晒囉！去尖房踩左陣車之後細基就係度幫我鬆腳呢！黎應囉！真係好正呢！佢太好人了！之後做左幾野六點多少少就過去練習lu~今日遲左都未開班0既，佢地開頭做體能喎，嘩~咁辛苦唔好預我了！我自己練習好了，之後司徒返左黎，佢剪左頭髮呢，我都唔認得佢添！之後司徒係度教佢地一兩招組手之後就打王lu~都幾有動感！我都打左司徒一轉呢！嘿嘿！之後就係度打搏擊添！個師弟都打得幾好，我單手都唔夠佢打呢！仲俾佢打左幾野個頭添！打完執埋野走人！聽講個大專盃都未有表格囉！但係個截止日期聽講係三月十日囉！唔好理喇！即走，因為想返家溫書呢！但係又好鬼餓呀><！返到家好在媽係度，仲留左湯添！佢仲幫我整埋飯呢！洗白之後食埋飯就溫書lu~不過唔知點解阿哥同家姐係度hehe哈哈咁囉！叫佢地熄左個電視又唔熄喎！唉~到佢地訓晒我都要去訓啦！冇乜點溫呀，太累了！訓下好過！十二點幾訓呢！