Just For You

Wish you have a warm and happy X'mas!!!!!!

一次將這個christmas發生的事在快要結束的２００６年作一少少的記錄

22 Dec：

今日是冬至，正所謂冬大過年，所以只要番到３點就可以收工，而且每年公司都會在中午１點到３點舉行christmas party，變相整天大家都懶洋洋的工作，我們的部門會連同IT及Purchasing & supplies Department一齊搞，今年的食物數量及種類多過上年，有魚生，朱古力火鍋，酒煮花田螺等等，參加的同事亦多過上年，加上有些同事的仔女也參加，大約有６０人，很是熱鬧，今年收到三份Christmas gift，一份是christmas party的康鈣片一樽（我唔禁鍾意，因為我唔食這些的），兩位上司送出抽到的CAT腰包（好男裝，所以比了我的爸爸），Hello Kitty筆筒座（現在放在公司用），又食又扲，玩得好開心，尤其是同事的仔女，連我擺設在桌上的Mickey Mouse火車頭都拆下來玩呢（到我27號番工才知道，好彩無比佢整爛）！！！！！！

23 Dec :

下午和姐姐出左尖沙咀行街，先到一間位於海港城的日本餐廳食左下午茶，點了兩份下午茶餐，天婦羅烏冬，軟腳蟹牛油果壽司，兩杯iced mohca，吃完差不多5點啦，然後去百老匯買了samsung anycall手機及portable hard disk，還贈送了隻toys story的mug添！！！！！

24 Dec :

一早起來，刷洗一番後，與姐姐和朋友到又一城amc睇”踢躂小企鵝”英文版，因為是早場11:30，只要$36，好抵睇，而且這部企鵝歌舞勵志片，好好睇，又好笑，又有教育意義！！！！！值得一看，看到一點幾，然後到Rice Paper吃了越南菜，芒果蝦卷，越南春卷，牛肉凍檬，好好味道！！再行了一圈又一城，到Log on買了一份值$100的christmas gift，打算26號gathering交換禮物，是一set3樣的禮品，內有打電腦用的cushion，mouse pad及magic clip，好靚，再坐火車落尖沙咀，行海港城，買了一件$250的短袖衫，可以夏天著，冬天就可以著多件長袖衫，亦得！！晚上到一間日本人開的日本餐廳吃晚飯，點了炸雞軟骨，清酒煮硯，日式燒薄餅，魚生，兩杯益力多冰球清酒，一杯芒果冰球清酒，超好味道！！！！大吃大渴後，到尖沙咀睇燈飾，超多人，又封路，無去等倒數，行到10點幾就回家啦！

25 Dec :

瘋狂了幾日，今日留在家中好好休息一下啦！！！

26 Dec :

下午和姐姐到旺角朗豪仿行街，先吃了下午茶，chocolate cheese cake及香草雞肉angle noodle，行了一圈，再到電腦中心買了立體聲speaker，body shop買杏仁味的hand cream，好香！！！晚上與大學的朋友到樓上cafe，吃吃晚餐，談談近況，交換禮物，我得到一個的Minnie電話座，剛好我買了新電話可以用，我發現大家都有好大的轉變：W朋友與男友去了日本而無join我們，P朋友與她的男朋友打算結婚，I朋友有了男朋友，事業發展順利，是MGT級，M朋友也是MGT級，其他CC朋友，C朋友，CL朋友，MT朋友，F朋友，K朋友都很不錯，K朋友比以前識得打扮，好像Janice的樣子，他們的事業發展都好好，而我自己就毫無長進，看來我要加倍努力，跟上他們的步伐，除了事業方面，愛情呢，W,P,I朋友外，其他朋友都無著落，包括我自己，香港女多男少，無計啦，P朋友每年都話介紹她男朋友的friends比我們識，當時大家都扮聽唔到，好抗拒，今年舊事重提，她們都十分雀躍，話好喎，還叫P朋友嚴選男友的friends介紹，她們打算搞行山，我個人興趣唔大，未行過山，行山比我的感覺是好辛苦，加上我唔想這樣識男仔，我覺得自己比唔上她們，她們識打扮，人工高，樣靚，去到自己只是一棵襯托別人的綠葉，雖然話就話識多個朋友，我唔信大家的心態唔係搵個男朋友，話唔係鬼都唔信啦！但係我真的好唔想去，我怕自己去完之後自己唔開心，點解？都係唔在這個普天同慶的日子講，所以到時搞得成的話先算啦！！