馬交，一個比鄰香港的另一個特別行政區，一個令很多香港人又愛又恨的地方，亦都係原本諗住summer holiday 團體游的目標，不過由於我的summer holiday 一閃即逝，而且大家都不願掉低我，終於爛尾收場。

不過為實踐一個家族承諾，於是我門一家星期日便動身出發，諗住早上九時開始有船搭，我們已經好神心咁八時起身(我只訓了四個鐘咋，之前一晚.......打字睇戲)。未到十時已經到港澳碼頭，點知當時最早的船要11：40先開，於是就去麥記整返杯十一個難飲o既咖啡，徙下時候，之後去錯候船室，差少少就miss 班船，好彩剛剛好趕上，重有近窗位添，不過就係jet 唔係飛翼，就咁就渡過了一個多少少小時的旅程，講真小時候我真的又少少會暈船，雖然現在沒有，但只睡了四個鐘又搭船，重係有點振動o既真是有點唔自在，不過就唔算大問題。

不過等埋過關，到達已經一時多喇，同埋應家母指示，六點前就搭5：40船，數埋數埋，只淨四個多小時，真係閃電團呀!!!!

二話不說就先到賭場見識見識，不過最近碼頭o既回力比我o既感覺就好似去到上海街或者深水舊戲院咁，真係唔敢入，掉頭........

之後去新開的金沙，沿途(其實好近)的景觀就好似返到廣州咁，因而太似返大陸相都懶得影，去到金沙門口就似到MK新世紀廣場，入去前要查袋，雖則比帶埋相機但唔比影相，入到去"娛樂場"的範圍比想像中要細，不過已經好大，就過一圈，只是拉了二十個大洋老虎機感受下氣氛，都有20舖玩架，開頭拉到第三下就有五元進帳喇，之後就真係"輸錢皆因贏錢起"二十個大洋無喇，重唔記得留返個籌碼做紀念......之後就next station 葡京喇

去到o既感覺就好似去到缽蘭街咁，好雜，醫下肚先入去，由於係賭場附近，特色食物欠奉，因為原理就好像投注站附近當舖金舖附近特別多和只有茶餐廳一樣，有錢入去，又有幾多個有錢出黎哩，食完野，入去，不過入口好難搵，應該話太多入口，入許前我重被迫要寄存個"包袱"先比入場，入到去真的失望喇，地方真的很小，而且煙霧迷漫，真係十足大檔feel.........無耐又閃，出返黎都三點過半，諗住去"大三巴"不過聽司機講因為要清理鳥糞，大三巴搭晒棚...........唯一可到景點都無埋，唯有即刻去買手信..........

面對鉅記，咀香園真係拍烏蠅，不過d 師傅仍然好賣力咁打餅，不過打餅間間舖都有得出賣，我亦見人買我買，都係幫趁鉅記，鉅記試食真係大大舊，試兩三樣都已經慳到餐飯喇，而且係店員主動，可以話係質埋黎，雖然試食就好主動，但我話要買就突然放慢手腳慢慢比貨...........真係古怪，兩者好似掉轉頭。原本想買埋肉乾，不過只有咀香園有"毒辣"包裝，想買時，Sister 話：要買我係元朗幫你買喇。這句話亦解開了咀香園拍烏蠅之謎，因為十個有十一個買手信o既遊客都係駛港幣o既香港人........

當地連搭巴士都用得港幣，唔駛一定用澳幣。買完野食埋雙皮奶，回程!!!

回程時終於搭到飛翼喇，jet 同飛翼同架，而且時候差不多，不過搭o羊應該係by random。不過飛翼o既感覺定好多，轉灣重過隱好多架。

PS：有謠傳話我Sat 悶悶不樂，其實係因為我整損口，食o羊都痛不欲生，而且我當時係睇緊電視............