仲有2日就要返學,我梗係要把握時間出街la.今日本來諗住10點起身做下功課先執野出街,但係起身就係度睇電視+上網.之後唔覺唔覺就11點,就要開始洗頭執野lu,所以結果都係無做過功課.

唔知點解感覺上好似好耐無出過街咁,基本上同fd出街同同mum出街係好唔同.出街之前一直都係度落雨,雖然好唔想拎遮,但係都迫住拎左把直遮,我最憎拎縮骨遮出街.出到去銅鑼灣地鐵站,係度等peggy個時就係度留意下周圍d人,發現10個用名牌既人入面有8個都係用burberry,之後就係gucci.有d人成身都係名牌,好恐怖ar.

到3點左右我地就去左意粉屋食野la,點知食完就開始落雨lu.我地係銅鑼灣行到6點幾,都只係sogo 既某一店舖買左好多野,但係見雨愈落愈大,就諗住去唱k la.咁因為某一d原因,我地就去左尖沙咀.點知去到個時,d雨落得仲勁,完全係 like cats and dogs ar,雖然我地有直遮,但係都係濕得好緊要,對鞋先濕得勁ar.但係係我地行個時我地又笑得好開心wor.之後又去左某處買左d野,我地就去唱k la.唱到10幾就起程歸家.個時已經無落雨lu.返到屋企都係11點幾,好早ar,仲可以上網同寫左少少book report.如果計埋食野,唱k..今日用左$900 左右la.我諗我都係時候儲錢,唔好買咁多無聊野,希望我做到la!